საქართველო-დანია ივნისში?
დიდი შანსია, ივნისში საქართველოს ეროვნული ნაკრები ამხანაგურ მატჩში დანიას შეხვდეს. ამის შესახებ თემურ ქეცბაიამ "მსოფლიო სპორტთან" ინტერვიუში თქვა.
"დანიამ თავად გამოთქვა დაინტერესება და ბუნებრივია, ასეთი დონის ნაკრებთან თამაში ძალიან კარგი იქნება. ჯერჯერობით, ყველაფერი გადაწყვეტილი არაა, მაგრამ დიდი შანსია, ივნისში დანიას შევხვდეთ. სად იქნება თამაში, ჯერ დასაზუსტებელია. გვსურს, რომ შინ ჩავატაროთ ეს მატჩი", - გვითხრა ქეცბაიამ.
საქართველოს ნაკრების მწვრთნელთან ინტერვიუს დღესვე წაიკითხავთ.
საქართველოს ნაკრები 2006 წლის მუნდიალის შესარჩევში დანიასთან ერთად მოხვდა ჯგუფში. თბილისში მატჩი 2:2 დასრულდა (გოლები: დემეტრაძე, ასათიანი), კოპენჰაგენში კი 1:6 წავაგეთ (გოლი: დემეტრაძე).
„ბილბაომ“, წაგებათა სერია სევილიაში შეწყვიტა
ზედიზედ 3 წაგების შემდეგ, ბასკურმა „ბილბაომ“, ესპანეთის ჩემპიონატში ქულის მოპოვება მოახერხა. მიმდინარე სეზონში, მარსელო ბიელსას შეგირდები ძალზე ცუდად გამოიყურებიან და ამის გათვალისწინებით, მე-4 ადგილზე მყოფ გუნდთან გასვლაზე ქულების გაყოფა ცუდი შედეგი არ უნდა იყოს. მითუმეტეს იმის გათვალისწინებით, რომ პირველივე წუთზე, სტუმართა კარში თერთმეტმეტრიანი დაინიშნა, რომელიც რუბენ კასტრომ გოლად აქცია.
„ბილბაოს“ ქულა ადურისმა მოუტანა. პირველი ტაიმის დასრულებამდე 4 წუთით ადრე, ანდერ ერერამ, გუნდის მე-20 ნომერი მეკარესთან პირისპირ გაიყვანა, რასაც ქულების გამყოფი გოლის გასვლა მოჰყვა.
ნიგერის პირველი ქულა
აფრიკის თასის 2013 წლის გათამაშება ნიგერის ნაკრებისთვის უკვე შეიძლება წარმატებულად ჩაითვალოს. გუნდმა, რომელიც ტურნირზე მეორედ თამაშობს, პირველ ტურში ბოლომდე იბრძოლა და მხოლოდ შეხვედრის მიწურულს გატყდა, ხოლო მე-2 თამაშში, გერნოტ რორის შეგირდებმა, აფრიკის თასზე, თავისი პირველი ქულა აიღეს.
გასული თამაშების გათვალისწინებით, ნიგერისა და კონგოს დაპირისპირება სანახაობრივ მხარეს არ უჩიოდა. მატჩის პირველი და ბოლო სახიფთო მომენტი ნიგერმა შექმნა, მაგრამ სიდიბეს დარტყმის შემდეგ, კონგო ძელმა იხსნა, ხოლო ლანსინამ მეკარეს ვერ აჯობა.
შეხვედრის დარჩენილ ნაწილში, უპირატესობას ფავორიტი კონგო ფლობდა, მაგრამ რამდენიმე ეპიზოდში, დაუდა ბრწყინვალედ გაისარჯა და გუნდის მიერ პირველი ქულის მოპოვება, უპირველესად, სწორედ მისი დამსახურებაა.
No comments:
Post a Comment